Fornleifafræðipartý

Fornleifafræðipartý í boði Fornleifafræðistofunnar á föstudaginn 14. janúar á Fornleifafræðistofunni, Ægisgötu 10, 101 Rvk. Gleðin hefst kl. 20.00

 

Allir glaðir fornleifafræðingar og verðandi fornleifafræðingar velkomnir.

 

 

Aðalfundur og nýir stjórnarmeðlimir

Aðalfundur Fornleifafræðingafélags Íslands var haldinn fimmtudaginn 6. janúar 2011. Mæting var með ágætum þrátt fyrir leiðinlegt veður.

Ný lagagrein um útgáfu Ólafíu, tímarits Fornleifafræðingafélags Íslands, var samþykkt á fundinum. Sjá má núgildandi lög félagsins hér.

Þar sem tveir stjórnarmeðlimir, þær Brynhildur Baldursdóttir og Ragnheiður Gló Gylfadóttir, höfðu þurft að halda til annarra starfa fóru fram kosningar í laus embætti á fundinum. Margrét Björk Magnúsdóttir var kosinn gjaldkeri, Albína Hulda Pálsdóttir var kosinn ritari og Ármann Guðmundsson og Vala Björg Garðarsdóttir sem varamenn. Sitjandi stjórn félagsins má sjá hér.

Tveir nýjir aðalfélagar voru einnig teknir inn í félagið.

 

 

 

Aðalfundur FFÍ 2010

Aðalfundur Fornleifafræðingafélags Íslands verður haldinn fimmtudaginn 6. janúar 2011, kl. 17:00 í fundarherbergi doktorsnema í Gimli, Háskólatorgi.

Dagskrá aðalfundar verður sem hér segir:

1)    skýrsla liðins árs

2)    lagðir fram endurskoðaðir reikningar félagsins

3)    lagabreytingar. Tillögu að lagabreytingu má nálgast hér að neðan.

4)    inntaka nýrra félagsmanna

5)    kosning stjórnarmanna

6)    önnur mál

 
Stjórn FFÍ

 

 

Tillaga að lagabreytingum Fornleifafræðingafélags Íslands

Lögð fyrir aðalfund 2010

Lagt er til að bætt verði við nýrri grein um ritröð félagsins, Ólafíu.

Tillagan er svohljóðandi:

Fornleifafræðingafélag Íslands gefur út ritið Ólafía. Stefnt skal að útgáfu þess einu sinni ári. Hvert eintak er tileinkað ákveðnu þema og birtir efni því tengdu í formi fræðigreina eða ritgerða. Ritstjóri, einn eða fleiri, hvers heftis er kosinn á aðalfundi hvert ár og ritnefnd ef við á. Ritið skal vera ritrýnt þegar þema þess miðast við birtingu stakra greina, sem ekki hafa verið gefnar út áður. Stefnan með útgáfu Ólafíu er að gefa fólki kost á að lesa öflugt og vandað fræðirit um fornleifafræði. Efni þess skal að öllu jöfnu vera ritað á íslensku til þess að skapa hefð fyrir notkun hugtaka í fornleifafræði á íslensku. Heimilt er að birta greinar í því á ensku. Ólafía er gefin út fyrir sjálfsaflafé í formi styrkja, sölutekna og annarra framlaga.

 

Greiðsla félagsgjalda

Ágætu félagsmenn

 
Nú líður að lokum árs og því komið að innheimtu á félagsgjöldum fyrir þetta árið. Sem fyrr eru þau 2.000 kr. fyrir aðalfélaga og 1.000 kr. fyrir aukafélaga og skulu leggjast inn á reikning 0101-05-268166, kt. 510399-3159, með skýringunni gjöld.10.

 
Aðalfundur FFÍ verður haldin fimmtudaginn 6. janúar 2011, kl. 17:00 í fundarherbergi doktorsnema í Gimli, Háskólatorgi. Minnt er á að félagsgjöld fyrir árið 2010 verða hafa verið greidd fyrir aðalfund til þess að hafa kosingarétt á honum.

 
Með kveðju,
 
Stjórnin

Nýr vefur um heimsminjar

Í gær var opnaður nýr vefur um heimsminjar á íslensku heimsminjar.is. Þar má nálgast allskyns fróðleik um þær umsóknir sem Ísland er aðili að og umsóknarferlið.

Meistaraprófsfyrirlestur í fornleifafræði

Þriðjudaginn 30. nóvember flytur Adriana Zugaiar meistaranemi í fornleifafræði fyrirlestur um verkefni sitt sem hún nefnir The orientation of pagan graves in Viking Age Iceland – is there a reason why graves do not follow a fixed rule?

Fyrirlesturinn verður haldinn í aðalbyggingu Háskóla Íslands, stofu 222, og hefst kl. 15.

Abstract:
The orientation of graves is a subject that has not been widely explored. While burial orientation is usually recorded in archaeological excavations, little has actually been said about the reason behind the choice of a pagan orientation. By contrast, it is commonly understood that Christian burials traditionally have a west-east orientation, with the head placed at the western end of the grave. This is similar to the layout of churches and in both instances the aim is to view the coming of Christ on the Judgment Day. Although pagan burials are usually associated with a north-south orientation, in Iceland they do not follow a fixed rule as burials could be facing any direction, north, south, east, west etc. This diversity in grave orientation brings to mind questions such as why some graves are orientated differently than the others? Is there a connection with the landscape? E.g.: are they near water, or situated on hills or other landscape features? And if so, what these features meant to the people buried in them or to the people burying their dead? Is it the same in other Nordic countries? How about gender: are male and female buried with the same orientation? Does it have to do with their age? Are there regional similarities or differences? Do animals buried with humans also follow an orientation? Is orientation related to religion or mythology? Or is it just random?

Trúlofunarhringurinn frá Skálholti og heilagleiki hjónabandsins

Þriðjudaginn 30. nóvember mun dr. Agnes S. Arnórsdóttir lektor við sagnfræðideild Árósarháskóla flytja erindið "Trúlofunarhringurinn frá Skálholti og heilagleiki hjónabandsins" í Þjóðminjasafni Íslands. Fyrirlesturinn hefst kl. 12:05 í fyrirlestrasal Þjóðminjasafnsins. Aðgangur er ókeypis og allir velkomnir.

 

 

 

 

Við uppgröftinn í Skálholti árið 2003 fannst lítill hringur sem á er að finna handaband utan um hjarta. Agnes mun færa rök fyrir því að hér sé um trúlofunarhring að ræða, en slíkir hringar voru vinsælir um norðanverða Evrópu á 15. og 16 öld. Í fyrirlestrinum fjallar Agnes um táknræna merkingu slíkra hringa og áhrif kirkju á íslenska hjúskaparsiði.

Jólaglögg FFÍ

Jólaglögg FFÍ verður haldið á Fornleifafræðistofunni, Ægisgötu 10, föstudaginn 17. desember kl. 21. Á staðnum verða jólasmákökur, jólatónlist, jólasveinar, jólagleði, jólaskraut og fleira jóla. Tilvalið tækifæri til að ræða jólafornleifafræðina.

Félagar hvattir til að fjölmenna og hafa jóladrykkjarföng meðferðis.

 

Stjórnin

 

Meistaraprófsfyrirlestur í fornleifafræði

Með hús í farangrinum

Þriðjudaginn 23. nóvember flytur Guðlaug Vilbogadóttir meistaranemi í fornleifafræði fyrirlestur um verkefni sitt sem hún nefnir ‚Með hús í farangrinum‘. Fyrirlesturinn verður haldinn í aðalbyggingu Háskóla Íslands, stofu 222, og hefst hann kl. 16.

Útdráttur:

Í lokaverkefni sínu fjallar Guðlaug um hús á Íslandi sem hafa verið flutt fyrir miðja síðustu öld. Viðfangsefni hennar eru eingöngu hús sem nýtt hafa verið til íbúðar og voru byggð fyrir 1925 og flutt fyrir 1950. Hún hefur viðað að sér heimildum, bæði rituðum og í samtölum við fjölda fólks, og skrifað sögur meira en tvö hundruð húsa. Í fyrirlestrinum verður sagt frá heimildasöfnun við undirbúning verkefnisins, en engin skráning er til um þessi hús, hvorki hjá sveitarfélögum né Fasteignaskrá Íslands. Við úrvinnslu þessara upplýsinga verður lögð áhersla á að leita svara við því hvers vegna húsin voru flutt og hvernig að þessum flutningum var staðið, en það vekur furðu hversu lítið er til af rituðum heimildum um framkvæmd flutninganna sjálfra. Þó undirliggjandi orsök flestra ef ekki allra húsaflutninga á Íslandi sé viðarekla í einni eða annarri mynd má greina ákveðna áhrifaþætti öðrum fremur sem valdið hafa því að húseigendur fluttu hús sín í stað þess að byggja  ný.

Veiðar og nytjar á rjúpu, gæs, önd og álft á Íslandi fyrr og nú

Fræðslufundi félagsins Matur, menning, saga, í kvöld kl. 20 í ráðstefnusal 1-2 á Hótel Loftleiðum.  Efni fundarins er:  Veiðar og nytjar á rjúpu, gæs, önd og álft á Íslandi fyrr og nú. Fuglafræðingarnir Ólafur K. Nielsen og Arnór Þ. Sigfússon kynna veiðar og nytjar á Íslandi. Þetta er annar fundurinn í fundaröð félagsins um nytjar á villtum dýrum í náttúru Íslands. Kaffiveitingar, aðgangur ókeypis.

 Nánari upplýsingar er að finna á vef félagsins: www.matarsetur.is